MUCRONES lucentes apud Lamprid

MUCRONES lucentes apud Lamprid

in Commodo, c. 5. Inter haec habitu victimarii. victimas immolavit, in harena rudibus, inter cubicularios pugnavit lucentibus aliquando mucronibus: plumbeis opponuntur, quales habuisse gladiatores, qui cum eo pugnabant, Victor Schotti refert; Immiti prorsus ferôque ingeniô, ut gladiatores specie depugnandi crebro trucidaret; cum ipsi ferrô obtectô mucronibus plumbeis uterentur. Nempe Commodus lucenti ferrô, h. e. pugnatoriis decretoriisque mucronibus pugnabat cum gladiatoribus, qui plumbeis solum, seu lusoriis armis instructi aut plumbeos mucrones habuerunt, aut ferrum quidem, sed cuius in extremo plumbei mucrones erant: quô pactô eos trucidare illi in proclivi fuit. Vide Salmas. Not. ad l.